ડ્રગ્સ કેસ: જયા બચ્ચને બોલિવુડનો પક્ષ લેતા જ વાયરલ થયો પુત્રી શ્વેતાનો આ VIDEO, લોકોએ પૂછ્યા સવાલ

રાજ્યસભામાં મંગળવારે ભાજપના નેતા અને અભિનેતા રવિ કિશન અને કંગના રનૌતનું નામ લીધા વગર તેમને બોલિવુડમાં ડ્રગ્સ મુદ્દે આડે હાથ લીધા. એટલું જ નહીં જયા બચ્ચને કહ્યું કે ફિલ્મ ઈન્ડસ્ટ્રીને એવા લોકોથી બચાવવાની જરૂર છે જેઓ જે થાળીમાં ખાય છે તેમાં જ છેદ કરે છે.

મુંબઈ: દિગ્ગજ અભિનેત્રી અને સપા સાંસદ જયા બચ્ચન (Jaya Bachchan)  જ્યારે પણ બોલે છે ત્યારે કડક શબ્દોમાં બોલે છે. રાજ્યસભા (Rajya Sabha) માં મંગળવારે ભાજપના નેતા અને અભિનેતા રવિ કિશન (Ravi Kishan)  અને કંગના રનૌતનું નામ લીધા વગર તેમને બોલિવુડમાં ડ્રગ્સ મુદ્દે આડે હાથ લીધા. એટલું જ નહીં જયા બચ્ચને કહ્યું કે ફિલ્મ ઈન્ડસ્ટ્રીને એવા લોકોથી બચાવવાની જરૂર છે જેઓ જે થાળીમાં ખાય છે તેમાં જ છેદ કરે છે. જ્યા બચ્ચને કંગના અને રવિ કિશનનું નામ ન લીધુ પરંતુ કહ્યું કે કેટલાક લોકો ફિલ્મ ઈન્ડસ્ટ્રીમાં નામ કમાય છે અને તેને ગટર કહે છે. જયા બચ્ચનના આ નિવેદનથી આખો દિવસ રાજકારણ ગમરાયેલું રહ્યું. બોલિવુડમાં પણ બે ફાડચા પડી ગયા. કેટલાક લોકોએ જયા બચ્ચનને સપોર્ટ કર્યો તો કેટલાક લોકોએ દિગ્ગજ અભિનેત્રી અને પતિ અમિતાભ બચ્ચનના મૌન પર સવાલ ઉઠાવ્યાં. 

આ બધા વચ્ચે જયા-અમિતાભની લાડકી પુત્રી શ્વેતા બચ્ચન (Shweta Bachchan) નો એક વીડિયો સોશિયલ મીડિયામાં ખુબ વાયરલ થઈ રહ્યો છે. જેમાં શ્વેતા બચ્ચન તેની કેટલીક બહેનપણીઓ સાથે બહાર આવતી જોવા મળે છે. આ વીડિયોમાં શ્વેતા બચ્ચનની આંખો કંઈક અલગ લાગી રહી છે અને તે લડખડાતી ચાલતી હોય  તેવું લાગે છે. વીડિયોમાં શ્વેતા બચ્ચન સાથે ફરહાન અખ્તરની બહેન અને ફિલ્મ નિર્દેશક ઝોયા અખ્તર પણ છે. વાયરલ થયેલા આ વીડિયોને જોઈને લોકો જાત જાતની વાતો કરે છે અને શ્વેતા બચ્ચનના લુક પર સવાલ ઉઠાવી રહ્યાં છે. 

જો કે આ વીડિયો સ્લો મોશનમાં છે તો આ વીડિયોની વિશ્વસનિયતા પર શંકા જરૂર પેદા થાય છે. આ વીડિયોને તમે નીચે જોઈ શકો છે. 

#JayaBachchan can give thousands of "zero hour notice on attempts to defame film industry." But She cannot hide the Gutter she's owning & trying to protect.#WeStayUnited4SSR and Disha Salian and @KanganaTeam against Bollywood Lobby with SELECTIVE agendapic.twitter.com/BC1bnn2snH

— HerdHUSH (@HerdHUSH) September 15, 2020

મહાનાયકના મૌન પર ઉઠ્યા સવાલ
અત્રે જણાવવાનું કે આ સમગ્ર મામલે જે વાત સૌથી વધુ સુશાંત સિંહ રાજપૂતના ફેન્સને ખટકી રહી છે તે છે સદીના મહાનાયક અમિતાભ બચ્ચનનું મૌન. અમિતાભના મૌનને લઈને ફેન્સ સવાલ ઉઠાવવા લાગ્યા છે. અમિતાભ  આમ તો સોશિયલ મીડિયા પર ખુબ એક્ટિવ રહે છે. તેઓ સતત ફેન્સના સંપર્કમાં રહે છે. જો કે એ પણ સત્ય છે કે અમિતાભ હંમેશા વિવાદથી અંતર જાળવે છે અને કોઈ પણ વિવાદ પર કમેન્ટ કરતા બચે છે.